L'artejanat artistich tla Ladinia

Dales valades strëntes fòra por le monn

Impormò incër la fin dl 18ejim secul davagna
l'artejanat artistich n'importanza economica
particolara por i Ladins.
Vigni valada svilupëia na süa produziun
carateristica: Ampëz se spezialisëia
tla produziun de belijia y souvenirs
de filigrana d'arjënt.
Dlungia les scoltöres religioses, nàscel te
Gherdëna na gran industria de chiena, che
liëia le laûr che vëgn fat a ciasa cun le
comerz mondial. Da Fascia pëia ìa, ann por ann,
depenjadus por jì tl Tirol y tl
Paiern dl süd, olache ai infornësc falzades de
ciases, stües y mebli cun sü ornamënc da corù.
La Val Badia esporta te döt le Tirol casses
cun na decoraziun carateristica.

Tl tëmp danter les döes veres mondiales, a gauja di
stlec raporc economics y dla gran presciun
dla concorënza, él la produziun
dl artejanat artistich che mëss la dè sö.
Al dedaincö él ma plü les
scoltöres de lëgn, fates dötaurela te Gherdëna,
che recorda l'importanza economica dl artejanat artistich
da inlaôta tla Ladinia.