L’aplicaziun dl Museum Ladin

Chësta aplicaziun é ponsada por families y jogn che an ó invié, tres le jüch, da jí a ti ciaré al Museum Ladin.
Na particolarité de chësta aplicaziun é le fat che al vëgn dant de plü lingac (ladin, todësch, talian y inglesc).

L’aplicaziun mët man cun n pice film de introduziun olache al vëgn mostré en prescia le Ciastel de Tor, sënta dl Museum Ladin.

L’aplicaziun é formada da dui jüc.

1. Jüch

Tl Museum Ladin virel n valgügn zbergli, por le plü bonac, mo che é datrai ince n pü da dessené. Ai á inom Zicuta, Moltina, Re Falz, Spina de Mul, Ey de Net y Orco. Chisc inoms é tuc fora dles liëndes dles Dolomites. Sü ces vëgn da gais de lëgn de Gherdëna, metüs fora tl Museum.

Döt le de roda i zbergli fora por i salamënc dl Museum y combina n gröm de bertes. Le fin dl jüch é chël de cuncé fora i dagns gaujá da chisc zbergli, döt cant te n ambiënt tridimensional.

2. Jüch

Tratan na vijita virtuala fora por le Museum vëgnel mostré i salamënc te trëi dimenjiuns.

Indöt mësson fá 10 dovëis ti salamënc dl Museum:

  1. Mëte fora reperc archeologics
  2. Reconësce y assegné indortöra n valgügn esponac dl museum
  3. Soné na melodia sön fanes te ciasadafüch
  4. Memory cun i blasuns nobli
  5. Assegné i personaji ai cuadrac baiënc
  6. Posizioné i crëps dles Dolomites tles lercs corespognëntes
  7. Puzzle cun n alté metü fora te museum
  8. Scoé jö le stöp dles vetrines dl museum
  9. Mëte ite les figöres che mancia te n catalogh
  10. Assegné les chertes ala dërta contrada

Al davagna che che röia le jüch cun le manco fai y tl manco tëmp poscibl. Por vigni resposta falada gnarál injunté zacotan de menüc de penalité.