Vijites menades

Nostes ativitês ne vëgn nia ma fates ti salamënć dl Museum Ladin Ćiastel de Tor y dl Museum Ladin Ursus ladinicus, mo inće alaleria, tla natöra.

Escurjiun acompagnada tla Val di Morins a Lungiarü y vijita al museum (dai 06/07 ai 07/09/2022 vigni mercui)

Natöra y cultura tles Dolomites

Escurjiun acompagnada tla Val di Morins a Lungiarü

N de amesa la natöra y la cultura ladina cun chësc program:

Danmisdé
An se incunta sön plaza de dlijia a Lungiarü por na escurjiun acompagnada ala Val di Morins, olache an pó odëi 8 morins;
un de chisc é n morin da pires che gnô ince adoré da destlofé la bla. Lapro él ince na teleferica de na siëia y na cialciara,
che desmostra che al gnô chiló n iade borjé la cialc. La vijita se röia por les 12.00. Do les 12.00 él l'Assoziaziun Turistica che organisëia na vijita al Lüch de Oriana (ca. 40 min.).

 

Domisdé
vijita al Museum Ladin Ciastel de Tor
(San Martin de Tor)

 

—
Perioda
dai 06/07 ai 07/09/2022  
vigni mercui
dales 09.30 ales 12.00
Plaza de dlijia de Lungiarü
—
Prisc
15,00 Euro

ma por l'escurjiun danmisdé:
10,00 Euro
—
Al pó tó pert n minimo de 5 porsones

Prenotaziun
Tl Museum Ladin dal lönesc al vëndres dales 08:45 ales 17:00 Tel. 0474 524020/e-mail info@museumladin.it, o pro cassa tratan i orars de daurida,

y pro dötes les Assoziaziuns Turistiches dla Val Badia.

Escurjiun acompagnada al ander de Conturines cun esperc dl Ofize Natöra (dai 07/07 ai 15/09/2022 vigni jöbia)

Escurjiun acompagnada al Ander de Conturines cun esperc dl Ofize Natöra

Jita acompagnada al ander dles Conturines (2.750m), olache al é gnü ciafé schelec dl Ursus ladinicus, la laurs di andri ladina.
Dala Capanna Alpina (1.726m) röion sön Col de Locia jon do le tru n°11, spo ván devers de Gran Fanes. La jita vá inant sön n tru nia amarscé, passan ia barantli y giaruns ërc cina le Ander de Conturines (2.750m). Vijita dl ander. An vëgn zoruch por le medemo tru.
Tl ander adoron valch de cialt da se vistí (temperatöres de zirca 1°C) y na löm da frunt. Aconsiun ince da se tó do dles mazes por jí sön i giaruns.

L'Ander de Conturines é gnü descurí tl 1987 y al é 200m lunch. Daite án ciafé osc fossilisá de na sort de laurs di andri cina chël momënt nia conesciüda, a chëra che án ti á spo metü inom Ursus ladinicus. An mëss fá plü co 1000 metri de deslivel, gran pert sön ërc da peres, por ruvé tl post olache i resć dla laurs di andri é gnüs a löm - al é le post de descurida de alurs di andri plü alta dl monn. Scemia che jí sö é dër sfadius, él i staltic ite tl ander, olache zirca dan da 40.000 agn viô laurs mangiaerba che é oramai mortes fora da milesc de agn, demorvëia beles.

 

Can:

dai 07/07/2022 ai 15/09/2022 vigni jöbia

incuntada dales 8.30 ala Capanna Alpina (San Ciascian)

rové zoruch incër les 16.00

 

Dificolté:

l'escurjiun é ria.

Prisc: 20,00 Euro

 

Informaziuns y iscriziuns:

tla Ciasa dl Parch Natural Fanes-Sennes-Braies (tel. 0474 506120)

Escurjiun acompagnada sön Börz (dai 21/07 ai 25/08/2022 vigni jöbia)

Börz – danter ciüfs y corëc

Escurjiun naturalistica sura la geologia dles Dolomites y di ecosistems da munt

Le Börz, tl Parch Natural Pöz-Odles, nes pita l’ocajiun da podëi spaziré amesa lëgns da odlina, brüsces, y pra da munt ti ciaran al mer fossilisé dles Dolomites. An descür insciö la storia geologica dles Dolomites gnon sura dla sterscia conesciun danter peres, plantes y tiers co dá forma al paesaje d‘aldedaincö. En colauraziun cun l’Ofize Natöra.

Perioda:
dai 21/07 ai 25/08/2022
vigni jöbia
—
Danmisdé:
vijita al Museum Ladin Ciastel de Tor
Domisdé:
escurjiun dales 14.30 ales 17.00 ca.
An se incunta tla plaza da parché de Börz.
La plaza da parché sön Börz é a paiamënt. Por chi che tol pert al escurjiun y oress ruvé sön Börz cun i mesi de transport publichs, él la poscibilité de parché debann al museum. Le program dl'ativité tëgn cunt di orars dles corieres.
—
Prisc:
15,00 Euro cun vijita al museum
10,00 Euro ma l'escurjiun
—
—
Tl Museum Ladin dal lönesc al vëndres dales 08:45 ales 17:00 Tel. 0474 524020/e-mail info@museumladin.it, o pro cassa tratan i orars de daurida,
y pro dötes les Assoziaziuns Turistiches dla Val Badia.