Novités
29.10.2018: L Museum Ladin mo daviert nchin ala fin de utober
Nchin ala fin de utober ie mo l Museum Ladin Ciastel de Tor, cun la mostra “Zacan y incö - Jì a scora tles valades ladines“ y l Museum Ladin Ursus ladinicus a San Ciascian daviert al publich, daldò stluj la doi strutures nchin do Nadel.
N mierculdi ai 31 de utober fina via per l Museum Ladin, la sajon da d‘instà. L Museum Ladin Ciastel de Tor a San Martin y l Museum Ladin Ursus ladinicus a San Ciascian ie da pudëi vijité mo n merdi ai 30 y mierculdi ai 31 de utober dala 10.00 – 17.00. Daldò unirà i museums stluc nchin ai 26 de dezëmber canche scumëncia inò la sajon da d’inviern.
Tla sënta prinzipiela a San Martin, ulache tla mostra permanënta vëniel tematiseda la storia di ca. 30.000 Ladins che vif te nosc raion, iel chëst’ann da udëi na mostra temporanea “Zacan y incö - Jì a scora tles valades ladines“, che reverda la storia de nosta scola Tla mostra vëniel cuntà dla scola partitetica, n sistem scolastich unich che vën adurvà tla valedes ladines y che se à svilupà do la segonda Viera Mundiela inant nchin che l ie a deventà n model scolastich de nteres internaziunel.
La sezion destacheda a San Ciascian alincontra ie dedicheda ala lores preistorica Ursus ladinicus y ala Geologia dla Dolomites.
Per nformazions plu avisa possen nrescì sun l sit internet www.museumladin.it