Novitês

Di dla porta davierta n ucajion dl di nternaziunel di museums ai 21.05.2006

Tema: l museum y i jeuni vijitadeures

Di nternaziunel di museums
Di nternaziunel di museums
L Museum y i jëuni: ai 21 de mei manifestazion tl Museum Ladin n ucajion dl “Di nternaziunel di museums”

N dumënia ai 21 de mei saral l di dla porta davierta tl Museum Ladin Ciastel de Tor n ucajion dl “Di internaziunel di museums”. Coche uni ann mët dant l ICOM, l’associazion internaziunela di museums) nce chëst’ann n tema. Tl 2006 ie l moto: I museums y i jëuni vijitadëures. Nce l Museum Ladin aderesc a chësta iniziativa cun n program dastramp rich y nteressant. Laurà adum vëniel danter l Museum Ladin,  Servisc ai Jogn dla Val Badia, l’Ufize de lëur per y cun la junëza y l  Cumité valivanza dërc ëi/ëiles. Sun l program iel preudù che l museum gëure si portes dala 14.00 domesdi cun ntreda debant. Duta la populazion, granc y pitli, families y apasciunei  ie nviei a vijité l Museum Ladin a San Martin de Tor. Dala 17.00 se presenterà ai jëuni vijitadëures n valguna persones nteressantes dla valedes ladines cun chëles che i jëuni de nosta valedes à l mesum de fé na discuscion dal l titul: Tüa storia te d’atra stories; n valgönes porsones cunta fora de süa vita. Do la discuscion iel sun l program mujiga y aurela curta.

L’idea de basa ie propi chëla dl’ancunteda. I jëuni de nosta valedes dëssa se cunfrunté, se paradlé y ruvé adum. Tres na mëisa turonda y adum ai relatëures Silvia Alfreider, Martin Comploj, Angelica Irsara Craffonara, Aron Demetz, Barbara Pizzinini, Nicol Alberti, Emmi Pezzedi y Manuel Riz (Scedola) uelen mparé a se cunëscer miec.

Nvion duc canc a se nuzië dl’ucajion de vijité l Museum Ladin debant y de sté adum ai jëuni, n dumënia ai 21 de mei  a scumencé dala doi domesdì tl Museum Ladin Ciastel de Tor a San Martin de Tor.