Novitês

ai 05.08.2006 dales 18.00, Finissaja dla mostra artistes ladines cun mujiga y leteratura.

N sada ai 05 de agost saral tl Museum Ladin da pudëi scuté su dala 6 da sëira poeseis de Elfriede Kehrer acumpanieda dal flaut de Prisca Comploj da La Val. L’ucajion ie chëla dla Finissaja dla mostra artistes ladines che à abù n gran suzes de publich. La mostra ie stata na cunlaurazion danter l Südtiroler Künstlerbund y l Museum Ladin Ciastel de Tor a chëla che à tëut pert Thea Blaas, Monika Costabiei, Margareth Mair Daurù, Martina Stuffer Tartan y Mili Schmalzl, dutes cantes scrites ite tla lia di artisc de Südtirol. Per ti dé na bela contlujion ala manifestazion à nsci ulù pité poesies de Elfriede Kehrer, scultëura y autëura che ie nstëssa scrita ite al Künstlerbund.

La scritëura vën originariamënter dal’Austria ma vif al didancuei a La Pli tla Val Badia. Eila  ie cunesciuda per avëi giatà tl 2001 l’”Auszeichnung für literarische Leistungen der Republik Österreich” y tl 2003 ala giatà l prim pest dl “Feldkircher Lyrikwettbewerbs”.

Si poesies ie caraterisedes da truep sonns  acumpaniei da na prezijion ritmica. Motifs coche la tiera, la pleces, la ierba, la lum y la natura vën dant plu suenz, ma da ntënder plu coche metafores che no coche elemënc reei.

La Kehrer liejerà dant danter l’auter nce poesies ora de si recoiuda de liriches "An Riffen des Lichtes".

La manifestazion unirà fata tla chëurt dl ciastel.

L Museum Ladin nvieia duc canc ala finissaja dla mostra “Artistes ladines” n sada ai 05 de agost dala 18.00 tl Muaeum Ladin Ciastel de Tor a San Martin de Tor.