Novités
Al Museum Ladin l pest per mutons Il Grillo
Rai Tre tl Museum Ladin
N vënderdi domesdi ti uniral sëurandat al Museum Ladin Ciastel de Tor l pest per mutons "Il Grillo", n pest frut de na convenzion dl Consorz Turistich Alta Badia cun la cunesciuda trasmiscion televijiva "È domenica papà" che vën meneda da Armando Traverso. Vënciù à l Museum Ladin per via de na unità didatica che ie unida laureda ora y ntenduda per mutons a na maniera che la vijita dl museum sibe nteressanta y particulera. Truepa scoles, da dut l nord dla Talia à bele vijità l Museum Ladin tres chësta iniziativa.
La trasmiscion unirà registreda tla Sala dla Cësa de Cultura a La Ila ncuei vënderdi domesdi dala 17.00 inant. Ntan la trasmiscion saral da udëi mumënc tëuc su da Rai Tre tl Museum Ladin dala figura "Lallo", ciaval de peza che à danieura la funzion de acumpanië la trasmiscion de "È domenica papà" y studieda per ti purté dant ai mëndri argumënc desferënc. Truep mutons dl Alta Badia y de Antermëia à pudù cunescer Lallo y Armando Traverso se metan a disposizion per la registrazion dla trasmiscion.
La trasmiscion unirà depona mustreda tla televijion su Rai Tre n dumënia ai 29 de lugio dala 14.30 inant.