Novités
07.08.2007 Conzert cun la grupa Play tl Museum Ladin
Sciöche vigne ann él inće por l’ 2007 preodü tl program manifestaziuns dl Museum Ladin val conzert. En mertesc ai 7 de agost dales 21 inant podaran ascutè sö n conzert dla grupa Play. L’ tema por chësc ann tl Museum Ladin é chël dl jüch y porchël él gnü invié ite 4 musizisć che se tripa cun la musiga, cun les melodies, cun i strumënć y cun i lingac musicai de döt l’ monn. I musizisć é düć de nosta provinzia. Plü avisa sonarà Manuel Randi la chitara, Roby Zecchinelli l’ bas, Alessandro Trebo l’tlavier y Max Castlunger l’fabló y la bateria. Alessandro Trebo y Max Castlunger é tramidui dla Val Badia y plü avisa da San Martin de Tor. Les composiziuns originales dl cuartet se referësc a plü cultures etniches: chëra indiana, flamenca, araba brasiliana y africana.
L’ conzert fej pert dla ligna de manifestaziuns dl Val Badia Jazz Festival. Al vëgn aconsié da se prenotè deache sce al foss burt tëmp gnarà l’ conzert tignì daite y te chësc cajo é l’numer di posć limité. L’entrada é debann.