Novitês

25 de merz 2010, dala 20.00 da sëira chedri a culëures cun Othmar Castlunger y Rainer Clara sun l’arpizeda dl Aconcagua

Aconcagua
Aconcagua

Ai 25 de merz 2010, dala 20.00 da sëira de chedri a culëures tl Museum Ladin cun Othmar Castlunger y Rainer Clara da Lungiarü sun l’arpizeda dl Aconcagua  tl Argentina.

N ucajion dla mostra “Sëura la montes de viers dla libertà” mët l Museum Ladin Ciastel de Tor a San Martin a jì na sëira de chedri a culëures cun Othmar Castlunger y Rainer Clara che dai 10/01/2010 – 30/01/2010 ie stac tl Argentina y plu avisa tla region de Mendoza  a arpizé l’Aconcagua, la piza plu auta dl America. L crëp ie unì arpizà dal parëi  nord – est pian via dal ciamp de basa “Plasa Argentina”. L  Museum Ladin nvieia duc canc a to pert ala manifestazion.

N ucajion dla sëira puderan nce vijité la mostra speziela dedicheda al cunesciù alpinist Karl Unterkircher che ova perdù tl 2008 si vita pra na spedizion sun l Nanga Parbat.

Lecurdon che  dala dumënia 28/03/2010  inant sarà la mostra speziela “Sëura la montes de viers dla libertà”  y nce l Museum Ladin da pudëi vijité  cun i orars da d’instà. Plu avisa dal merdi ala sada dala 10.00 – 18.00 y la dumënia dala 14.00 – 18.00.