Novitês

Ai 13.05.2010 daurida dla mostra ”Eco?Logical!”

Maratona dles Dolomites y les scoles ladines

"Eco? Logical!" é l tema dla Maratona dles Dolomites 2010 y l’ecologia é ence l motif per l projet dl 2010 che l comité dla Maratona à metù a jì per tò ite ativamenter les scoles elementares y mesanes dles valedes ladines. Con chesta azion onse volù sensibilisé les scoleres y i scolés a l'importanza dl argoment dla ecologia. Chest projet é conscidré sciche azion de solidarieté, zenza premiazion y segn de reconesciment. L dovei per les scoles elementares é sté chel de crié na opera ”ecologica” che pò avei esprescion tla realisazion de n dessegn sun l tema ”ecologia” o te na opera con material reziclé. Les scoles mesanes à abù sciche laour la creazion de valch de utl con roba rezicleda, che pò vegnì adoré tla vita da vigni dì. An à podù tò pert al projet sciche classa entiera o sciche grup de laour.