Novités
17.09.2011 Nöt lungia di museums al Museum Ladin Ciastel de Tor y Museum Ladin Ursus ladinicus
L’Museum Ladin cun söes döes sentes a San Martin y San Ćiascian tol inće chësc ann indô pert a “La nöt lungia di museums“ metüda a jí dal Ufize dla Cultura dla Provinzia da Balsan, por ti porté plü damprò ala jënt les strotöres museales de nosc raiun. A chësta iniziativa tol pert zirca 30 museums te Südtirol.
In sabeda ai 17 de setëmber podaran jí debann te trami i Museum Ladins dales sis da sëra fina mesanöt. Tl Museum Ladin Ursus ladinicus podaran vijité le nü museum acompagnà da Dr.Herwig Prinoth che cuntarà sura la laûrs, la storia, l’ambiënt y l’importanza scientifica de chësta sort de laûrs di andri , sciöche ince sura la formaziun geologica dles Dolomites cun de bì fossii. A San Martin acumpagnarà l diretur Dr.Stefan fora por la mostra “Scibla mo n iede – La ferata de Gherdëina danter lecorc y vijions”. Les vijites cun acompagnadú è preodödes dales, 20.00, 21.00 y 22.00. Fora de chësc orar po vignun se ciarè le museum cun l’audioguida.
Sides tl Museum Ladin Ćiastel de Tor sciöche ince tl Museum Ladin Ursus ladinicus podaran ciarcé produć tipics de Südtirol.
En chësta ocajiun saral n servisc de taxi deban a disposiziun che va da San Martin de Tor a San Ćiascian dales 18.00 inant vigne ora fina ales 23.00 y da San Ćiascian a San Martin de Tor dales 18.30 inant fina les 23.30.
Düć é dër bel invià a na sëra particolara tl Museum Ladin Ćiastel de Tor y Ursus ladinicus