Novités
18.05.2014 Dé internazional di museums
En domënia ai 18.05.2014 era indô tan inant, l’Museum Ladin festejëia l’Dé Internazional di Museums.
A San Martin è l’ Museum Ladin Ćiastel de Tor davert domesdè dales 13.30 ales 18 cun entrada debann.
Dales 17.00 presënta l’grup “JEMM Music Projekt” süa nöia CD.
Implü pon ti ciarè ala mostra temporanea de chertes postales vedles de Carlo Pescollderungg.
A San Ćiascian éle dales 10.30 ales 11.30 tl salf manifestazions J. B. Rinna l’spetacul de teater de Giulia Vaccari “Voglio un orso che si chiami” por talian y todësch adatè a vigni eté. Tartan chësta rapresentaziun ti vëgnel dè n inom nü ala laûrs M12 metüda fora tl Museum Ladin Ursus ladinicus.
Bele la sabeda ai 17.05 dales 14 ales 17 ele da odëi la mostra di dessëgns dla laûrs rossa di mituns dles scolines dla Ladinia e inće la domënia dales 11.30 ales 18 tl medemo salf.
Dales 10 ales 18 pon jì a ti ciarè debann al Museum Ladin Ursus ladinicus, vijites acompagnades vëgnel pité dales 14.40 por todësch y dales 15.40 por talian cun l’ paleontologh dl museum Herwig Prinoth.
N sorvisc de taxi debann mëna i vijitadus da S. Martin a San Ćiascian dales 14, 15, 16, 17, 18 y zoruch dales 14.30, 15.30, 16.30 y 17.30.