Novités
30 de dezëmber 2014: festa de finn dl ann - le museum é indô davert
Le MuseumLadin Ciastel de Tor y le Museum Ladin Ursus ladinicus á daurí ai 26 de dezëmber por la sajun da d'inver. Ti dis dal 26.12.2014 al 10.01.2015 á i dui museums davert vigni dé dales 15 ales 19.
Inće in chësc ann organisëia le Museum Ladin Ćiastel de Tor deboriada cun l'Assoziaziun Turistica da San Martin de Tor y l'Uniun dl Sport da San Martin la ormai tradizionala festa de fin dl ann in mertesc ai 30.12.2014 tl areal dl Museum Ladin Ciastel de Tor.
Program:
Dales 20.30 é le Museum Ladin é davert debann cina mesanöt,
dales 21.00 intratenimënt musical cun "Die Verspielten" impröma tl Ciastel de Tor y te plaza , spò tl'entrada dl museum cina mesanöt
t'urt dl ćiastel vëgnel dé fora vin cöt y checs,
21.30 fiacolada cun chëntli sön la pista Piculin y atira dedô füć artifiziai ,
dales 20.30 - 24.00 taxi debann dala ostaria Post de Piculin al Museum Ladin . Le taxi archita ince jö Pradel ( ex-fossenara) y dan la ostaria Dasser tl zënter de San Martin de Tor
düc é der bel inviá