Novités
17.07.2015: Inauguraziun dla mostra „1914 – 1918 Al de là da vigni confin - I Ladins i conta sua storia”
En vëndres ai 17 de messé vëgn inaugurada al Museum Ladin la mostra „1914 - 1918 Al de là da vigni confin - I Ladins i conta sua storia" na mostra sura i confins, i frunc y i mîc dla vera.
La pröma vera y i confins te düć sü aspeć y impröma de döt en referimënt ales valades ladines incër le Grup dl Sela. Chësc é le tema dla proscima mostra tl Museum Ladin Ćiastel de Tor a San Martin de Tor. La mostra va ite tl tema dla front che passâ propi fora por les valades ladines y les despartî, de profugs y prijoniers, dles comunitês trates indalater y dl cambiamënt radical di raiuns. Chësc propi püc agn do che les Dolomites s'â daurì al monn cun la ferata y cun strades nöies, tl tëmp olache bele en gröm de alpinisc gnô a arzipé les munts y portâ bëgnester te nostes valades. Dl 1914 se rovâ döt chësc.
La mostra vëgn inaugurada en
vëndres 17 de messè 2015
dales 6 da sëra
tl Museum Ladin Ćiastel de Tor,
strada Tor 65, San Martin
dal assessur provinzial ala Cultura ladina y ai Museums Florian Mussner, dala direturia dal Repartiziun Museums, dal diretur dl Museum Ladin Stefan Planker y dala storiografa Luciana Palla che á fat la archirida storica.
I rapresentanć di mass media é invià ala inauguraziun y da portè la informaziun ti media