Novités
25.02.2007 Presentaziun dl CD “Aria de munt” dla familia Schuen da La Val cun Hubert von Goisern
La famila Schuen é dagnora stada liada ala musiga. Paul y Hilda ti à insigné ai mituns da pici insö da suné y ćiantè adüm y da purtè inant l’valur dla musiga de nüsc paisc. L’grup musical è conesciü sura i cunfins de Südtirol fora y à tut pert a deplü trasmisciuns dla televijiun y dl radio. L’CD contëgn valgünes ćianties preferides dla familia y prô da dè en contribut pur mantegnì, purtè inant y arichì nosta musiga popolara. Complessivamënter contëgn l’CD 17 ćianties, danter chëstes feter dötes por ladin.
Pur la realisaziun dl CD dal titul “Aria de munt” à Paul Schuen suné i orghi da man, süa fomena Hilda la chitara, les mitans Marlene y Elisabeth la vidura y sö möt André l’cello.
En ocajiun dla presentaziun de chësc CD, gnaral tl Museum Ladin Ćiastel de Tor a San Martin l conesciü musizist y ćiantautur dl Austria Hubert Von Goisern, cumpagn dla familia Schuen.
L’Museum Ladin inviëia döc canć a gnì en domënia 25 de forà dales 18.00 ala presentaziun dl CD. Por l’ucajiun pon vijité ezezionalmënter en domënia domesdé dales 14.00 – 18.00 sides la mostra de Albert Mellauner che l’Museum Ladin.