Novités
Pest artistich de scoltöra Richard Agreiter 2013 y Trienala Ladina 2013
Fin di concursc
Pest artistich de scoltöra Richard Agreiter 2013
La manifestaziun dess stimolé le barat danter i artisć ladins/les artistes ladines de Südtirol, dl Trentin, de Tirol y sostignì la süa ativité.
Trienala Ladina 2013
Cun chësta scomenciadia déssel gnì valorisé y sostignì l'ativité artistica ti raiuns en chestiun, ti pitan l'oportunité de se fà conësce a esperć de critica dl'ert y al gran publich.
Introduziun:
Le Pest artistich de scoltöra Richard Agreiter 2013 y la Trienala Ladina 2013 é dui concursc individuai.
Al concurs Pest artistich de scoltöra Richard Agreiter 2013 po tó pert düć i artisć de scoltöra che laora y é aćiasà tl raiun dl Tirol storich (Nord-, Ost- y Südtirol, Trentin y les valades ladines de Badia, Gherdëna, Fascia, Fodom y Anpezo) y che à n lian particolar cun la cultura, la storia y les tradiziuns de chisc raiuns.
Al concurs Trienala Ladina 2013 po tó pert düć i artisć aćiasà tles cin valades ladines dles Dolomites (Val Badia, Gherdëna, Fodom, Fascia y Anpezo), ti Grijuns y tl Friûl. Tó pert po inće i artisć che se sënt ladins y che à n lian particolar cun la cultura, la storia y les tradiziuns ladines.
Le termo por dè jö la documentaziun: 11 de forà dl 2013 dales 9.00
Daurida dla mostra coletiva Trienala Ladina 2013 y conferimënt dl Pest artistich de scoltöra Richard Agreiter 2013 ai 19 de messè dl 2013 dales 18.00
Tles injuntes ciafun i dui concursc
Museum Ladin Ćiastel de Tor Via Tor 65, I-39030 San Martino in Badia Tel. +39 0474 524020, Fax +39 0474 524263 E-Mail info@museumladin.it Web www.museumladin.it Facebook www.facebook.com/Museum Ladin |