|
|
 |
|
|
|
Le museum é n post, olache cosses, che é
trates fora da so contest original, cunta de certes
epoches y posc'. Cosses museales mostra dagnora plü
inant, sta dagnora por val - val che mancia, che é
assënt, che é atramënter, che é
dainciarà tl post y tl tëmp. (Eva Sturm)
Unich y impò remplazabl.
Ci se cunteres pa?
Ci livì por dezifré él pa?
Ares é le grop dl fazorel, por dërt nia
important, mo important é ciche ai indichëia.
Êl impröma la storia o la cossa?
Cun le jì pormez ales parores museum, cossa,
storia, inrësc i scolars deboriada cun maestres
y maestri y aministradus dla comunicaziun so passè
cultural. Esperiënzes y conescënzes vëgn
metüdes en relaziun cun le presënt.
|
|
 |
Descriziun
cörta
Les mediadësses de cultura dra Judith Wielander
und dra Irene Hager à eseguì dal mëis
de setëmber dl 2000 al mëis de forà dl
2001 n proiet cun trëi tlasses dla scora elementara,
trëi tlasses dla scora mesana y döes tlasses
dla scora alta de Gherdëna y dla Val Badia. Cun metodes
y manires de azès desvalies él gnü
metü adöm contribuc por le forum de discusciun
tl internet sön le tema "Museum, cossa, storia",
che dess daidé arjigné ca la daurida dl
Museum Ladin Ciastel de Tor.
Le material cherié y coiü adöm dales
mediadësses de cultura y dales tlasses de scora romagn
a desposiziun dl Museum.
Fins
Le fin dl proiet de scora é chël
da sensibilisé y interessè i scolars por
la tematica dl museum. Le museum vëgn insciö
bele dan süa inauguraziun n post (virtual) de comunicaziun
y de confrontaziun.
Les ciamenes ciamò ötes dl museum vëgn
insciö amplides fora dla creativité di scolars,
vëgn bele dan l'inauguraziun ofiziala segnada da
vita y tut en possès.
Conzet y esecuziun: dra
Judith Wielander y dra Irene Hager
Partezipanc:
4. tlassa dla scora elementara d'La Val cun Annamaria
Fiung, Paula Agreiter, Monika Komploi, Sonja Schmidt
5A y 5B dla scora elementara de Santa Cristina cun Irene
Clara, Heidi Perathoner, Lydia Kostner, Manuela Piccolruaz
2B dla scora mesana d'Al Plan de Mareo cun Jep Agreiter
1A y 1B dla scora mesana de Sëlva cun Stefan Planker
5. tlassa dl Lizeum d'La Ila cun Daria Valentin
3. tlassa dla scora d'ert Urtijëi cun Thea Blaas
N bel dilan ti va al Museum
Ladin Ciastel de Tor, ales scolares y ai scolars y ales
maestres y ai maestri, al Istitut Pedagogich Ladin,
al Ofize por mediums audiovisuai y dantadöt a Erich
Kastlunger, Loisele Craffonara, Maria Daverda, Isidor
Rindler, Jep Rindler, Isidor Agreiter, Mathias Stuflesser,
Pierluca Gaglioppa, Markus Mahlknecht
|
|
|
|
