Novités
Ai 24 de juni Film y conzert tl Museum Ladin
Ai 24 de juni 2006 festejea l Museum Ladin Ciastel de Tor a San Martin i 5 ani dala giaurida dl museum.Dal 2001 à bele milesc de persones vijità Ciastel de Tor mparan a cunëscer plu avisa la storia, la rujeneda y la cultura ladina.
Un di gran apuntamënc de chisc ultimi 5 ani ie stata la mostra de lëures dl artist Richard Agreiter che à fat testamënt de si colezion artistica al Museum Ladin.
N sada sëira, a scumencé dala 21.00 inant uniral mustrà n film sun Richard Agreiter. L film ie unì realisà da n studio de Köln sun iniziativa dl artist ntëss y reverda n pert nce la mostra realieda a San Martin de Tor n presënza dla Ministra per i Afares Oradecà da ntlëuta, Benita Ferrero Waldner.
N ucajion dla festa vëniel tenì n conzert da Alessandro Trebo y Christian Pescosa. Duc canc ie drël bel nviei ala manifestazion y ala festa.