Novités
Cuncors per scultura Richard Agreiter Cuncors per la partezipazion ala II. Trienala Ladina
Cunferënza stampaMierculdi ai14/03/2007 dala 10.00
Tla sala stampa dl Palaz Provinziel, Palais Widmann, Str. Crispi. 1 Bolzano
Il Museum Ladin scrij ora doi cuncorsc artistics
- Cuncors per scultura Richard Agreiter
- Cuncors per la partezipazion ala II. Trienala Ladina
Il vizepresidënt dl cunsëi de aministrazion di Museums Provinziai, Dr. Heinrich Huber, à spiegà i fins dl cuncors, n resultat de na cunlaurazion dl Museum Ladin cun l artist Richard Agreiter.
La doi scumenciadives dëssa incentivé l barat culturel danter i artisc’ ladins y si colegs de Südtirol, dl Trentin y dl Bundesland Tirol.
L prim pest de scultura Richard Agreiter ie resservà mé ala scultura y vën metù a jì dal Museum Ladin Ciastel de Tor n cunlaurazion dl artist Richard Agreiter tla previjion de na probabla istituzion de na promozion artistica o de n legat-fondazion.
L 1. pest de scultura Richard Agreiter unirà dat ora ai 31/08/2007 n ucajion dla giaurida dla II. Trienala Ladina.