Novités
Ai 26 de juni dala 18.00 tl Museum Ladin inaugurazion dla mostra Asami Kato, dal Iapann ala Ladinia
Ciastel de Tor
Mostra d’ert cun l’artist giaponej Asami Kato
tl Museum Ladin Ćiastel de Tor a San Martin
Dai 26 de juni, (di dl inaugurazion dala sies domesdi), ai 23 de agost saral da udëi la mostra dal titul Asami Kato dal Iapann ala Ladinia.
Te si operes d’ert à Asami Kato danieura tëut ispirazion dala cuntredes de ziteies storiches coche Unieja o Roma. Ti uedli dl artist ie perchël la Dolomites states daniëura mé n mond de pareies maiestëusc y n post da passé la vacanzes ma nia n motif da tradujer te formes artistiches. Mpermò da canche l cunësc la Ladinia plu sot stajan ntan l’instà tai Tamersc, a Al Plan de Mareo, al metù man da ti cialé ala Dolomites cun n’auter uedl purvan a nterpreté artisticamënter la cuntredes y i paesajes de nosc luesc. Cun si sensibiltà iel nsci garatedes operes artistiches ispiredes ala Dolomites ma l ne mancia nia elemënc iapanej a chëi che l artist ie inò ruvà a scuvrì do che l se ova dat ju dantaldut cun l’ert ozidentela.
La mostra ie unida metuda a jì sibes sota l patrozine dl Consolat Generel dl Iapann de Milan che dl Istitut giaponej de Cultura de Roma. Duc can ie nviei a ti cialé la mostra y ala giaurida