Novités
Ai 3 de lugio 2009 dala 20.30 tla Cësa de Cultura de Urtijëi uniral prejentà na publicazion dal titul Magister Manfredinus me fecit
L Museum Ladin Ciastel de Tor nvieia duc canc ala prejentazion dla publicazion sun l moster de ciampanes Manfredinus, n moster che à realisà l "Cusé da Sacun", una dla plu vedla ciampanes de nosta provinzia.
Ai 3 de lugio 2009 dala 20.30 tla Cësa de Cultura a Urtijëi
Do la prejentazion uniral inaugurà na pitla sezion espositiva cui panei y tesc' che reverda la ciampana de Manfredinus. I tesc' ie unì metui a disposizion dal Museum Ladin y l chemun de Urtijëi, n cunlaurazion dl cunsëi de pluania, se à cruzià dla realisazion dla pitla esposizion ulache l unirà nce valoriseda y metuda ora sota scipa la vedla ciampana.
Su iniziativa di scizeri, l di dla segra da Urtijëi, ai 5 de lugio do la Gran Mëssa, uniràl benedida y auzeda su tl pitl ciampanil dla Capela di Tumei na ciampana nueva, na copia dl "Cusé da Sacun" che puderà unida suneda per deplù ucajions.
L Museum Ladin, l Chemun, la pluania y i scizeri de Urtijëi Ve nvieia de cuer ala prejentazion dl liber y ala benediscion dla nueva ciampana.