Comunicać stampa | 18.10.2011 | 12:43

30.10.2011 Gran batadù tl Museum Ladin Ciastel de Tor

Ai 30 de otober 2011 organisëia l’Museum Ladin Ciastel de Tor en colauraziun cun l’Uniun di Stödafüch da San Martin de Tor l‘gran batadù, che é gnü oramai na tradiziun.

Clësc l'program dla manifestaziun:

dales 13.30 incuntada y iscriziun di cartadus cun estraziun di grups.

Dales 14.00 mët man l’batadù. Les iscriziuns vëgn tutes sö danfora al nr. 339/7685970 vigni domisdé.

Chësta é na la bela poscibilité por la jënt da chilò da se abiné por passè n bel domisdé adöm tl museum.

Implü pon sambëgn ciamò vijité la mostra „Scibla mo n iede – La ferata de Gherdëina danter lecorc y vijions“, daverta ai 30 por l’ultim dé ti orars de daurida dl museum. Düć é dër bel invià.

L‘batadù stlüj jö l’ativité dla sajun da d’isté sides dl Museum Ladin Ćiastel de Tor y inće dl Museum Ladin Ursus ladinicus a San Ćiascian.