Comunicać stampa | 11.05.2012 | 14:11

20.05.2012 Dé internazional di museums

L’Museum Ladin Ćiastel de Tor organisëia en domënia ai 20 de mà 2012 l’dé dla porta daverta en ocajiun dl “Dé internazional di museums”cun n program adatè sides por gragn che inće por pici.

Al é gnü tut sö l’invit da pert dl’ICOM (Consëi Internazional di Museums) da to pert a chësc dé, sot al titul: “Museums te n monn che cambia. Nöies sfides, nöies ispiraziuns”.

Chësc l’program tl Museum Ladin Ćiastel de Tor a San Martin de Tor:

Le grup “Arteviva” pita la poscibilité da se lascé depënje sö l’müs cun de vigne sort de belëć y jüć de aurela cörta dales 11 ales 17.
 Cherchi Mirko de Biella presentarà so spetacul de ambries cinejes tres le movimënt dles mans dales: 10.30, 11.30, 14.30, 15.30, 16.30

Tl Museum Ladin Ursus ladinicus a San Ćiascian:

Simon Kostner cunta stories cun momënć teatrai adöm al publich dales 10.30, 11.30, 14.30, 15.30, 16.30.

Trami i museums é daverć dales 10.00 ales 18.00, l’ entrada y l’program de cornisc é debann.

Al vëgn inće metü a jì n sorvisc de taxi debann da San Martin de Tor a San Ćiascian dales 11 inant vigni ora fina les 18 y da San Ćiascian a San Martin de Tor dales 11.30 inant fina les 17.30.

Düc é dër bel invià