Novités
25.10.2015 Gran batadù tl Museum Ladin Ćiastel de Tor y ativitês por mituns al Museum Ladin Ursus ladinicus
Por stlü jö la sajun da d'isté inviëia indô le Museum Ladin Ćiastel de Tor adöm ala Uniun di Stödafüch al tradizional batadù ai 25 de otober.
Dales 13.30 se incuntun tl museum por to sö les iscriziuns y fa la estraziun di grups. Les iscriziuns vëgn ince tutes sö danfora al nr. 339/7685970 vigni domisdé.
Dales 14.00 mët spo man le batadù.
Al Museum Ladin Ursus ladinicus a S. Ciascian vëgnel pité n domisdé por mituns cun ativitês da pastelné y vijites acompagnades tres le museum. Por mituns: al gnarà fat laurs manuai creatifs, jüc y dessëgns y al vëgn ince aprofondì les tematiches prinzipales dl museum.Por adulc: n paleontologh Ves spliga le monn misterius dla laûrs di andri. L'entrada é debann: les ativitês ven pitades dales 14.15 - 15.45; 16.15 - 17.45
Chi che ne á nia ciamó odü la mostra "1914 - 1918 Al de là da vigni confin. I Ladins i conta sua storia" á ciamó la poscibilité da ti ciaré fina ai 31 de otober, ultimo dé de daurida. Ai 26 de dezember 2015 deura indo intrami i museums cun i orars da d'inver da odëi sot a http://www.museumladin.it/.
Por informaziuns plü monüdes pon cardé sö al nr. de tel. 0474 524020