Novitês

Museum Ladin: Tour virtuala por les scores

Museum Ladin Ciastel de Tor
Museum Ladin Ciastel de Tor

Pro les tröpes ofertes virtuales di museums, sëgn röiel lapró ince la nöia proposta didatica dl Museum Ladin. Le museum pita dles tour virtuales tres chëres che mituns y mitans danter i 8 y i 14 agn pó conësce la cultura ladina, la contrada da munt dles Dolomites y la laurs preistorica Ursus ladinicus.

Pormez ala tour virtuala tres chëra che an pó vijité trames döes les sëntes dl museum provinzial, röiel sëgn adalerch na oferta nöia ponsada tl spezifich por les scores: chësta pita tour virtuales te cater lingac (ladin, todësch, talian y inglesc) tres chëres che studënc y studëntes danter i 8 y i 14 agn pó descurí sogan, y cun modalités adatades a süa eté, i contignüs dles döes sëntes dl museum.

Tres na ciacia al tesur y n quiz podará i studënc se lascé ite tla cultura y le lingaz dles plü co 30.000 porsones ladines, descurin deperpo ince la contrada da munt dles Dolomites, che ti gnará presentá tl Museum Ladin Ciastel de Tor. La tour virtuala tl Museum Ladin Ursus ladinicus é indere dedicada ala laurs di andri, a so habitat de dan da 40.000 agn y ala geologia dles Dolomites.

L’azes ales vijites virtuales por scores ciafon tla homepage dl museum: www.museumladin.it/la/cun-mituns-y-scores.asp




Museum Ladin Ciastel de Tor

Str. Tor 65, I-39030 San Martin de Tor

Tel. +39 0474 524020

E-Mail info@museumladin.it Web www.museumladin.it

Facebook www.facebook.com/Museum Ladin