La geologia, l’archeologia, la storia, le lingaz, le turism y le artejanat artistich dles cinch valades, mo ince la laurs di andri che viô chiló da nos dan da 40.000 agn é danter i temesc dles vijites menades, organisades a mët man dala proscima edema tl Museum Ladin Ciastel de Tor y tl Museum Ladin Ursus Ladinicus.

Dal momënt che i museums ne pó nia dé fora les audioguides, él gnü ponsé da pité, tratan döt le isté 2020, vijites menades. Tl Museum Ladin Ciastel de Tor mët man les vijites dai pröms de messé, vigni mercui y vëndres dales 15:00 ales 16:00. Le vijites é debann, praticamënter paiun ma la cherta de entrada, y, aladô dles normes de segurëza anti- Covid, pól ma tó pert n mascimo de 10 porsones, che mëss se prenoté.

Les vijites tl Museum Ladin Ursus Ladinicus a San Ciascian mët man ai 7 de messé y gnará fates vigni mertesc y jöbia dales 10:30 ales 11:15 y dales 11:30 ales 12:15. La vijita dl mertesc é por n publich de adulc, chëra dla jöbia é ideala por families cun mituns.