Le Museum Ladin pita vigni mercui de lugio y agost na vijita menada por descurí la belëza dla Val di Morins, tla Val Badia. Por tó pert al’escurjiun él da se scrí ite.

Tratan l’escurjiun sarál l’ocajiun da podëi vijité ot morins renová y te un, cun pires da destlofé la bla, podarán ince jí ite. Le mecanism de na siëia mecanica moiüda cun la forza dl’ega y na vedla cialciara olache al gnô arjigné ca la ciauc sarál ince da odëi.

Les vijites pëia ia mercui le pröm de lugio: an se incunta tres dales 9.30 tla plaza dla dlijia da Lungiarü, na fraziun de San Martin de Tor. La roda se röia dales 12. Dedô él la poscibilité de vijité le Lüch de Oriana (ca. 40 min.), organisada dal’Assoziaziun Turistica.

Tó pert costa cinch euro. L’iscriziun pón fá pro le museum (tel. 0474 524020) o pro les associaziuns turistiches dla Val Badia.