Vigni vëndres, sön le Ju de Börz, tl Parch Natural Pöz-Odles, vëgnel organisé dal Museum Ladin vijites menades dedicades ala geologia dles Dolomites y ai ecosistems dles munts.

Le Jú de Börz nes dá la poscibilité da jí a spazier amesa lëgns da odlina, brüsces y prá da munt, y tratan pon i ciaré al mer fossilisé dles Dolomites. An á insciö l’ocajiun da descurí la storia geologica dles Dolomites y gní sura dla conesciun danter peres, vegetaziun y fauna tla contrada d’aldedaincö.

Les vijites menades, organisades dal Museum Ladin en colaboraziun cun l’Ofize Natüra dla Provinzia de Balsan, vëgn fates dal 3 de messé cina ai 28 de agost vign vëndres danmisdé. Punt de incuntada: dales 10:00 tla plaza dai auti dl Jú de Börz (Val Badia, San Martin de Tor), la vijita se röia por les 12:00. La plaza dai auti é a paiamënt; al é ince poscibl rové söl post cun i trasporc publics da San Martin; la plaza dai auti dl museum é debann. Por chi che é interesciá a na vijita menada tl Museum Ladin, n’él öna le medemo de dales 15:00.

Le prisc dl’escurjiun y dla vijita menada tl museum é de 10,00€; ma l’escurjiun costa 5,00€. An pó se prenoté tl Museum Ladin al numer de telefon 0474 524020 o pro les Assoziaziuns turistiches dla Val Badia.