Novités
La laurs fej la palsa da d’invern: n domisdé tl Museum Ladin
Vigni jöbia, cina le mëteman de merz, sará la laurs di andri Ursus ladinicus le argomënt de na vjita cun acompagnadú y de n laboratore por mitans y mituns tl Museum Ladin.
“La laurs fej la palsa da d’invern” é na serie de ativités didatiches che tola ite na vijita cun acompagnadú y n laboratore creatif por mitans y mituns dai cinch ai dodesc agn. Chësta gnará tignida tl Museum Ladin Ursus ladinicus a San Ciascian vigni jöbia dales 17.00 ales 18.00, pian ia cun chësta edema y spo cina ai 5 de merz. Se scrí ite y ciafé informaziuns pón pro l’Ofize turistich da San Ciascian a le numer 0471 849422 (cina les 12.00). L’iscriziun é obligatoria, le numer de partecipanc é limité.
Le museum tematisëia la laurs di andri che viô dan da 40.000 agn y la geologia dles Dolomites. Aspec dla vita dl Ursus ladinicus y de so habitat nes vëgn cuntá tres tröc reperc originai – osc, dënz, ces – y instalaziuns video. Tl partimënt jö bas ciafun la recostruziun dl ander dles Conturines, olache Ursus ladinicus é gnü ciafé, y na recostruziun dla laurs di andri tratan la palsa da d’invern y dla laurs rossa M12 (Mico).
Museum Ladin Ciastel de Tor Str. Tor 65, I-39030 San Martin de Tor Tel. +39 0474 524020 E-Mail info@museumladin.it Web www.museumladin.it Facebook www.facebook.com/Museum Ladin |