Storia dla Ladinia
Princ, vicars, sotmetüs
Che comanâ pa tla Ladinia?
Tles valades dolomitiches él le vësco de Porsenù, le grof dl Tirol, le convënt de Ciastel Badia y d'atres potënzes spirituales y mondanes che se partësc i dërc de sovranité. I sotmetüs ti dà a d'ëi le joramënt y dl ater vêrs poi sperè tla proteziun da pert dl'autorité.Al plü tert tl 13ejim secul él vicars y aministradus che defënn söl post i interesc di signurs, mo ince di sotmetüs. Ai fistidiëia dla pêsc y dl ordinn, fej leges y concretisëia les ressoluziuns dl govern.
Verena von Stuben (video still)
Nicoló Cusano (video Still)
Le Gran Bracun
La storia se moscëda datrai cun la liënda; i l'odun en forma tlera pro la porsona dl Gran Bracun, Francësch Wilhelm, descendënt dla familia nobla di Brach. L'ann 1582 él gnü copè dala man crödia de n assassin, nia dalunc da Corvara, mo la fantasia dla popolaziun, bonamënter imprescionada dal fat de sanch, à metü man da odëi te d'ël n ciavalier eroich. Insciö cùnton tla Val Badia, danter ater, ch'al dess avëi copè cun gran coraje - sciöche San Iöre tla liënda - le dragun temü, che ê intanè te n ander de Sas dla Crusc y mangiâ jënt y armënt, no mâ tla Val Badia mo ince tles valades vijines.
