Novitês

Ai 6 de jügn dales 18.00 daurida dla mostra sun le socrët di sac da copes

Le mistêr di sasc da copes tl Museum Ladin

Danter les iniziatives plü importantes dl program de manifestaziuns dl Museum Ladin a San Martin de Tor él la mostra dedicada al mistêr di sasc da copes.

Les copes de chisc sasc é büjes realisades artifizialmënter a forma de mesa cogora, che à por le plü n diameter de ca. 5 cm. So significat y süa funziun resta inant un di maius misters nia ćiamò tlaris dla archeologia.

La mostra é dedicada ala difujiun nia da crëie di sasc da copes tl tëmp y tl post, che an ne ciafa nia ma te Südtirol mo te düć i continënć ater co tl’Antartica nia. I sasc da copes plü vedli à bonamënter 200.000 agn y vëgn da n ander dl’India. Tles Alpes svizeres pêl che al sides gnü presentè ofertes de rengraziamënt ti sasc da copes ćiamò tl secul passè. Tla mostra vëgnel mostrè sasc da copes originai de Südtirol, na copia dl sas da copes de Bunsoh (Paîsc Todësc) y animaziuns sön le computer tridimenjionales de Göbekli Tepe (Turchia), la costruziun de tëmpli plü vedla dl monn.

La mostra vëgn inaugurada en vëndres, ai 6 de jügn y resta daverta ćina i 24 de agost.

Orar de daurida: dal mertesc ala sabeda dales 10.00 ales 18.00, la domënia dales 14.00 ales 18.00, lönesc dé de palsa (le mëis d’agost é la mostra daverta inće de lönesc dales 10.00 ales 18.00). Entrada debann.

Por de plü  informaziuns pon contatè chësta misciun:

Museum Ladin

Tel. 0474/524020