Por porsones cun handicap
Porsones cun handicap é bëgnodüdes te nosc museum. Nos porvun da ti organisé la vijita dô sües esigënzes. Deache le Museum Ladin Ćiastel de Tor a San Martin é en ćiastel dl mediev, él ma püć locai olache an pó jì pormez cun le scagn a rodes. Da vijité les mostres, la botëga y le bar tl frabicat nü ne él degun problem, deache al é a desposiziun en lift.
A S.Ćiascian tl Museum Ladin Ursus ladinicus pón vijité düc i locai cun le scagn a rodes.