Novitês

I artisc' y artistes che possa mëter ora pra la III. Trienala Ladina (23/07 - 31/10/2010) ie unì cris ora.

I artisc che possa mëter ora n ucajion dla Trienala Ladina tl Museum Ladin ie unì crì ora

N sada ai 13 de merz se à ancuntà la cumiscion de livel internaziunel  cherdeda adum dal Museum Ladin Ciastel de Tor per crì ora i artisc' y la artistes che possa mëter ora chëst’ann pra la Trienala Ladina y per valuté la candidatures per l II.Pest artistich Richard Agreiter.

 De 36 concurënc pra la Trienala ne n’iel unì crì ora 6 danter artistes y artisc', un deplù dl preudù. Mpresciunà à chëst’ann la giuria particularmënter l lëur dl’ëiles. Defati ne n’iel bën cater che meterà ora si lëures tl Ciastel de Tor:

Schena Esther di Grijons tla Svizra,

Romana Prinoth  de Sëlva/ Dispruch

Barbara Tavella da La Val  (Val Badia)

Zanoner Veronica dla Val de Fascia.

I autri doi artisc ie:

Demetz Peter de Urtijëi (Gherdëina)

Claus Vittur da La Val (Val Badia)

I artisc y la artistes possa meter ora tl Museum Ladin n lëur che messerà unì fat per l’ucajion y che arà l tema “Tl museum per comuniché…” La giaurida dla mostra sarà ai 23 de lugio 2010 y resterà davierta nchin ai 31 de utober 2010.

Per l pest artistic Richard Agreiter ne unirà l’inuem dl artist nia fat al savëi ( mé chiche à venciù l'à nrescì) ajache l dëssa resté, coche preudù dal regulamënt, n sucrët.  Per chësc pest iel da dì che l ne fova bën 53 danter artisc y artistes che se à candidà per vëncer l pest de 10.000 Euro. L inuem unirà cunedì ai 23 de lugio 2010 n ucajion dla giaurida dla Trienala, a chëla che l sarà presënta truepa autoriteies.

L diretëur dl Museum Ladin

Stefan Planker