Novitês

Cunvëni sun l patrimone culturel nia materiel a Bulsan

ECHI
ECHI

 La documentazion y l dé inant de patrimone culturel nia materiel y la ndesfidedes per i museums sarà i argumënc de n cunvëni de doi dis dal titul "L patrimone culturel nia materiel danter la nrescida y la retuda: na ndesfideda per i museums?” Chësc cunvëni n vënderdi y sada prim y doi de merz tl palaz Widmann a Bulsan vën metù a jì dal Museum Ladin y la lia EVAA (Ethnologischer Verein Südtirol).

 L cunvëni, metù a jì n ucajion dl proiet transnaziunel E.C.H.I. ethnografies talianes-svizeres per l patrimone nia materiel, va a fonz y se paredlea sun la desferënta pratighes de documentazion y trasmiscion dl patrimone culturel nia materiel. N particulèr ti val permez ala ndesfideda che nes dà i bëns nia materiei y cun chëles che i museums ie cherdei a  se cunfrunté: a) tla nrescida y tla nventarisazion dl patrimone culturel nia materiel; b) tla relazion cun la retuda de nfurmazions ala cumenanza y ala nuzeda  di cuntenuc da pert dl publich di museums

L cunvëni scumëncia n vënderdi ai prim de merz dala doi domesdì cun ntroduzions dl assessëur ladin Florian Mussner, dl diretëur dl Museum Ladin Stefan Planker y dal presidënt dla lia ethnografica dl Südtirol Emanuel Valentin. L di do, la sada ai doi de merz scumëncia la relazions da mesa la diesc danmesdì y jirà inant nchin la un da mesdì.

L Museum Ladin fej pea l proiet ECHi cun na nrescida y documentazion de vedla tradizions y usanzes te Gherdëina, curedes dal antopologh Emanuel Valentin. Sëuraprò ala reprejentanza dl Südtirol uniral nce adalerch esperc dla Lombardia, Aosta y Piemonte  per la pert taliana y na reprejentanza svizra dal Cianton Wallis, Tessin y di Grijons.


Reladëues dl cunvëni
Laura Bonato dla Repartizion per studi antropologics dl'Università de Torino
Martina Steiner dl Istitut per antropologia culturela y soziela dl'Università de Viena
Valentina Lapiccirella Zingari dla cumenanza talian per museografia y bëns antropologics  demografica SIMBDEA
Chiara Bortolotto dl École des Hautes Études en Sciences Sociales EHESS, Paris
Renata Meazza dl Archif per enthnografia y storia soziela AESS, Lombardia 
Alberto Garlandini, presidënt l cumité talian dl ICOM, International Council of Museums
Anette Rein dl International Committee for Museums of Ethnography ICME
Vincenzo Padiglione dl departimënt per psicologia de svilup y pruzesc soziei dl'Università La Sapienza de Roma 
Elisabeth Tauber dla Facultà de scienzes dla furmazion dl'Univesità de Bulsan 
Josef Tauber, espert dl artejanat da zumpradëur
Daniela Perco dl museum ethnografica dla Provinzia de Belun y dl parch naturel Dolomites dl Belun
Ilaria Guglielmetti dl'Università politecnica de Milan
Emanuel Valentin per la Facultà de scienzes dla furmazion dl'Univesità de Bulsan

Pur informaziuns y iscriziun (entrada debann!) cialede les injuntes chilò dessot:

info@ev-aa.org
www.echi-interreg.eu

www.museumladin.it
www.ev-aa.org