Novités
09.05.2014 Invit ala inauguraziun dla mostra de chertes postales d`epoca tl Museum Ladin “Ćiastel de Tor”
Le Museum Ladin “Ćiastel de Tor" a San Martin de Tor inviëia n vëndres ai 9 de mà dales 6 da sëra ala daurida dla mostra "Carlo Pescollderungg. Coleziun de chertes postales d’epoca". Da odëi saràl deplü cenć chertes postales dl 19ejimo y dl 20ejimo secul abinades adöm da Carlo Pescollderungg y scincades al Museum Ladin.
Le colezionist Carlo Pescollderungg da La Ila é n gran apascionè de chertes postales d’epoca y sües coleziuns cumpëda plü de milesc ejemplars, cun tröć motifs dles cinch valades ladines, di jus dles Dolomites y che revërda les üties da munt. Aldedaincö é sües chertes postales deventades recordanzes storiches dles valades ladines, olache an po inće odëi le svilup dl turism cun les prömes vijites de ghesć y le modamënt dl cheder dla contrada.
La mostra "Carlo Pescollderungg. Coleziun de chertes postales" gnarà daurida en
Vëndres ai 9 de mà dl 2014
dales 6 da sëra
tl Museum Ladin Ćiastel de Tor
a San Martin de Tor
adöm al colezionist Carlo Pescollderungg y al diretur dl Museum Ladin Stefan Planker. La mostra sarà da odëi ćina ai 29 de jügn dl 2014 ti orars de daurida dl Museum Ladin.
Düć é dër bel invià a tó pert.
Informaziuns: Museum Ladin Ćiastel de Tor, str. Tor 65, San Martin de Tor, tel. 0474 524020