Novitês

11.08.2018: Pröma assoluta: composiziun de Eduard Demetz a 2.750 metri

Mostra Integra tl Ander de Conturines
Mostra Integra tl Ander de Conturines

"Il Tempo Separato” è le titul dla composiziun de Eduard Demetz che vëgn presentada por le pröm iade in sabeda 11 d’agost  tl scenar dl’ Ander dles Conturines a 2.750 metri de altëza.

L’escurjiun por ascuté la esecuziun musicala é acompagnada. Iscriziun obligatoria.  

L’esecuziun musicala dla composiziun  “Il Tempo Separato” de Eduard Demetz, vëgn fata da n ensemble de percusciuns dl Südtirol conTakt percussion group. L’evënt è in sabeda 11 de agost, an po to pert debann se scrion ite por i 10 de agost (dales 6 da sëra) tla Assoziaziun Turistica San Ciascian al tel. 0471 849422

Program:

I s’incuntun a San Ciascian ite dala „Capanna Alpina“, dales 8.00 dadoman. N colaboradú dl Parch Natural Fanes-Senes-Braies gnará cun nos cina sö dal ander dles Conturines ch’i podarun spo vijité deboriada. Prëibel tignide cunt che l’escurjiun é plütosc sfadiosa, dal momënt ch’an mëss fá incër 1.100 m de deslivel

por rové sö dal ander. Vistisse de dër cialzá y guant cialt y tolesse ince para val’ da mangé y da bëre.. 

In cajo de bur’ tëm  vëgn la manifestaziun spostada ai 12 de agost o ai 15 de setëmber.

La manifestaziun è organisada dal Museum Ladin Ciastel de Tor, in colaboraziun cun l’Ufize Parch Natural Fanes-Senes-Braies e l’Assoziaziun Turistica Badia.