Novités
04/04/2008 dales 18.00 inauguraziun dla mostra de scoltöres de Lois Anvidalfarei
Dai 4 de aurí ai 25 de má vëgnel metü fora al Museum Ladin scultöres de brom y dessëgns dl artist Lois Anvidalfarei.
La mostra è in pert ti salamënc interns mo ince alaleria. Ti salfs d’esposiziun él da odëi les conesciüdes scoltöres de ces des porsones y dessëgns sciöche modei por les scoltöres. Alaleria pon amiré deplü scoltöres de brom de grandëza umana.
Anvidalfarei á studié tla Scora d’Ert de Urtijëi y spo al’Academia de ert figurativa a Viena. Pregnant è sté por süa ert l’imparé a conësce l’artist austriach Joannis Avramidis.
Anvidalfarei laora sciöche scultur y dessegnadú è á mostré sües operes te tröpes mostra sides tla Talia che ince te stac foradecá. Por val operes ti él ince gnü sorandé onoranzes de gran prestige, sciöche l pest por la scultöra al’Academia de Viena “Meisterschulpreis für Bildhauerei” y l’ pest “Goldener Füger.”
La mostra de Lois Anvidalafarei vëgn daurida en vëndres, ai 4 de aurí dales 6 da sëra, dal assessur provinzial ala cultura ladina Florian Mussner. L’introduziun gnará fata dal diretur dl Museum Ladin dot. Stefan Planker y dal conesciü critich d’ert Peter Weiermair, diretur dla Galeria d’ert moderna da Bologna.
La mostra resta daverta cina ai 25 de má, dal mertesc ala sabeda dales 10 ales 18 y la domënia dales 14 ales 18.