I museums provinziai

La corporaziun di Museums provinziai de Südtirol, fondada dl 2003, é n’assoziaziun de ot museums provinziai y tol ite i seturs archeologia, natöra, mineores, etnologia, turism, ciacia y pëscia, viticoltöra, y cultura y storia ladina.

L’aministraziun coletiva sorantol inciaries suraordinades sciöche bilanz, personal, rapresentanza di interesc, comunicaziun y marketing.

Nos fajun pert dla contrada di museums de Südtirol, i sun portausc unics y singulars dla cultura y sun insciö atifs te nosta inciaria da cherié y renforzè l’identité.

Nos cheriun zëntri de competënza por archirida y sciënza y ofriun poscibilitês de barat cultural danter i trëi grups linguistics.

Sciöche Museums provinziai de Südtirol s’orientunse al vijitadù y s’ojunse devers dl dagnì, i osservun y documentun por les generaziuns da sëgn y por chëres dl dagnì, do critêrs cualitatifs y conescënzes modernes abinunse adöm esponac de relevanza por l teritore y se dauriunse a svilups nös.

  1. Museum Ladin Ćiastel de Tor
  2. Museum Ladin Ursus ladinicus
  3. Museum archeologich
  4. Museum dles mineores
  5. Museum natöra Südtirol
  6. Museum dla ćiacia y dla pëscia
  7. Ćiastel Tirol Museum dla cultura y dla storia
  8. Museum dl turism
  9. Museum etnologich
  10. Museum dl vin
  11. Fortëza